Mien spieren bint te stief um hard te lopen
Veur scheuvein mis ik wark'lijk de techniek
De voetbalsport die is mi'j te gevoarlijk
En skieen van zo'n barg dat duur ik niet
Veur dammen en veur schaken he'k gien harsens
De wielrensport die is mi'j veuls te hard
Van volleybal doar kree'j een zere doem van
En wedstriedzwemmen, nee, dan wo'j zo nat
Refrein:
Ik zul zo graag topsporter wezen
En daag'lijks ien de kraante stoan
Um dan veur volle tribunes te speulen
Geweldig um doarveur te goan
Ik zul geern de wereld verboazen
Heel Nederlaand blied' as ik win
Mar jammer van die mooie dromen
Die topsport zit er veur mi'j echt niet ien
Bi'j rugby duukt ze altied ien de blubber
Da's niet te doen, doar wo'j zo smerig van
Veur basketbal heb ik te korte benen
Dan raak ik nooit een enk'le balle an
Een kogel stoten is mi'j veuls te machtig
Ik kreeg die kogel nog gien meter vot
En hockey nee, doar houwt ze mit die stokken
Dan he'k mien schenen elke week kapot