Wie is er in Hoavelt geschikt om te klonen
Wie is er zo goed da’j er tiene wilt zien
Wie zulle wi’j mit duplicatie belonen
Van wie zeg ie eig’lijk: ik wil er wel tien
Wie is er in Hoavelt geschikt om te klonen
An wie is er warkelijk echt veule gebrek
Veur wie zul het klonen now eigenlijk lonen
Wie is in ons dorp doar genoeg veur in trek
Refrein:
Want as ik zo zit te kieken op ’t Piet Soerplein
Loopt de meensen veur mi’j hèn van hot noar hoar
As ik zo veur mij uutkiek op ’t Piet Soerplein
Kom ik met mien klonendromen toch niet kloar
Want wi’j hebt al een fietsemaker en veur twee’je is gien stee
En d’r is een bakkerije, nog een bakkerije, nee
As ik zo zit op het Piet Soerplein déénk ik : Nee het bint er zat
Nog meer van die zölde koppen, nee dat liekt mij niet je dat
Of wil wi’j misschien nog wat meer ambtenaren
Of boeren misschien mit de trekker op ’t laand
Of is er misschien een tekort metselaren
Of braandweer misschien, maar d’r is vaak gien braand
Een leraar, een dokter, een zuster, een bakker
Een slager een visboer of nog een drogist
Ach nee joh, dat hoeft niet, wij hebt niet meer neudig
Ik deenk da’w ien Hoavelt niet veul soorten mist