Jan Willem har het moelijk want zien vrouw was weg’eleupen
Ze was mit beide kiender bi’j de buurman ien’ekreupen
Jan Willem zag ut echt niet zitten, mar een vriend kwam proaten
Die zee: ie muut ze allemoale bi’j die buurman loaten
Ie kunt oe zölf wel redden want ie koomt toch niks tekort
Ie bint warempel echt toch neet ien ’t ongeluk ‘estort:
Refrein:
Want ie hebt stromend water
elektrisch locht en gas
en ied’re nacht dan heb ‘ie
een lekker zacht matras
De wereld blef wel dreejen
De wereld dreejt wel rond
En as ’t niet good geet: wegenwacht
of consumentenbond
En as ’t niet good geet: wegenwacht
of consumentenbond
De hond van Bartus Tiemes zag de katte van de buren
Hij beet ‘m zowat middendeur bij Bartus ien de schure
De buurvrouwe was kaant van streek: ze reup um de politie
Mar Bartus zee: wees wiezer now, wat he’j now an justitie
Ie hebt een katte minder, mar bedeenk toch wat a’j doot
Hol now mar opmit jammern want ie hebt het wieder good:
Refrein
Vrouw Harms har de hortensia’s uutbundig ien de knoppen
Mar op een morgen schruk z’ heur dood, ze miste alle toppen
Eén vootafdrok en wieder niks, hoe kun det toch gebeuren
Het is vast volk op sokken ‘west, aans zu’j ze toch wel heuren
Vrouw Harms die stund te foeter’n: Dat geboeft’: ie zult ze toch!
Maar Roelof Harms die zee: klaag niet, het beste he’j toch nog: