Een man mit een aktentas steet op de stoep
Um te zeggen dat de wereld zal vergoan
Een griesgrauwig boekie hef hi’j ien de haand
Hi’j blef bi’j de veurdeure stoan
Het is zundagmorgen, de veugelties fluit
Een zendeling belt bi’j oons an
Hij löp mit een bosschop en die wil hij kwiet
Hi’j brengt zien geleuf an de man
Refrein:
Mit een donkergrieze overjasse an
Ien zien tassie hèf hi’j alles wat oe ’t eeuwig leven gèf
Trouwe biebelstudie, doar komp het op an
Ook al steet de zunne hóge, zingt de veugels um het hardst
Hi’j sprèk van het leste oordeel, hi’j sprèk van de leste dag
Een getuige van Jehova steet op zundag an de deur
Mit een donkergrieze overjasse an
Hij sprèk oons van Jozua, Richteren, Ruth
En Leviticus doar wet hij alles van
De twee Testamenten, hij kent ze uut’heufd
‘k snappe niet dat een méénse dat kan
Zien dochter van achte di kèk noar ‘m op
Ze leert an de deure het vak
Nog tien joarties wachten en dan is ze kloar
Dan mag ze allènnig op pad
Refrein
Het valt veur een man van Jehova niet mit
Want de meeste meensen bint ‘m liever kwiet
Mar wéérkomen döt hi’j, hij kent zien geliek
En op een dag, komt zien tied
As dan onverwacht oonze wereld vergéét
Mit water, mit vuur en geweld
Dan zal hij niet schrikken, hi’j wus d’r al van
Want hi’j har ’t oons al’moal veurspeld