Refrein:
Wi'j goat reorganiseren
Dus wi'j bouwt een ni'j kantoor
Leefst van zestig meter hoge
Van bescheidenheid gien spoor
Wi'j goat oonze zaken opwaarderen
Van marmer wordt oons ni'je heufdgebouw
En a'j vroagt van wie zal dat betalen
Dan is oons motto: niet te benauwd!
Want neme wi'j beveurbeeld de politie
Ien ieder dorp geet het bureau op slot
Mar niettemin: ze hebt nog wel ambitie
Of dacht'ie misschien: o ze goat kepot
De ni'je trend is: ze goat concentreren
D'r blif allent politie ien de stad
Wat oons dat brengt dat zal de toekomst leren
Wi'j holt zowat een kwart agent, dus leve 't dievenpad
Refrein
Of dacht'ie misschien detter weinig geld was
Umdet veur oe het leven duurder liekt
Da's onzin toch, want neem now de gemeenten
Die kreegt genog, royaal zoas now bliekt
Ze goat now het besturen concentreren
Want samenwarking gef weer ni'je kracht
De trend ien oonze dagen is fuseren
Meer ofstaand is modarn bestuur, want ofstaand det is macht!
Refrein
Wi'j bleeft mar proaten over de tekorten
Wi'j hebt de kop vol zorgen over zorg
Dan deenke wi'j: woar zul het now an schorten
Wie steet veur oonze zeeke meensen borg
Want ook gezinszorg geet centraliseren
Kantoren groot en glad as 't eem kan
Op vrije markten muut ze concurreren
De haanden an het bedde die, koomt gauw op 't tweede plan