Riekus Martens die hölt doeven in de schure achter het huus
Had hij mooi een grote doeventille ‘bouwd
En doar zaten vieftig doeven, groot en klein as kiend an huus
Mooi in kleine dovenhokkies weg ‘estouwd
Al zien leven bleef hij hopen op een mooie dikke pries
As de doeven weer uut ’t zuden kwamen vliegen
Mar zien vrouwe har de pest an al dat doeven tiedverlies
As ’t an heur lag kunn ‘ze alle ziekten kregen
Refrein:
Elke zoaterdag tot diep in de nacht
Hölt Rieks bij zien prachtige doeven de wacht
Elke zoaterdag, kieken noar de lucht
Kwam doar een doev’ van hem uut Frankriek, in een super snelle vlucht
Roelie Martens, Rieks zien vrouwe, har de hobby van heur man
Joar noa joar mit diepe tegenzin anschouwd
Want zo’n vrouwe wil ook aandacht en die gaf ‘e Roelie niet
Rozen zag ze op heur huwelijkspad toch nooit
As hij doeven zat te troeteln, zat z’in huus bij de t.v.
Want a’j aans niks hebt dan ku’j doar veul troost van kregen
Dus dan zat zij ’s oavends nöttig bij de Hennie Huismanschow
As de doeven uut het zuden kwamen vliegen
Refrein
Dus toen is de dag ‘ekomen dat het heur te machtig weur
Riekus wordde veur de grote keus ‘esteld
Het is zij of ik, zo zee ze, Riekus now woar kies ‘ie veur
As het zo mut dan goa ‘k over tot geweld
Riekus vund die keus niet moeilijk, dierenliefde is zo groot
Doar kan een gewone vrouw niet tegen vechten
Bin ie warklijk gek van doeven dan giet alles an de kaant
Nee dan loat ie oe niet deur een vrouwe knechten